اعتذر لأنشغالي عن المدونه وعدم طرح اي مواضيع جديده ..
– في الأسبوعين الأخيره كان عندي مشاريع واجد وتسليم بروجكتس كثيره، فما قدرت اني اركز كثير على المدونه وفي نفس الوقت كان في اختبار واخر يوم كان عندنا كونفرس وكنت انا من احد الـ Chairman في احد من الجلسات ..
الجميل في الموضوع ان عنوان البروجكت حقي كان عن التصوير وبالأخص كان Photography: is it art ? طبعاً اللي يدرسني عارف اهتمامي الكبير بالتصوير وحيا فيني هالأهتمام والحمد الله اخذنا A بالبروجكت ،كانت فكه البروجكت مناقشه وجدال واقتباس من بعض النقاد الفنيين، وتلاها برزنتيشن عن نفس البروجكت والحمد الله كان اكثر من ممتاز ..
– اللي يتابعني على تويتر اكيد عارف ان اخوي ثامر وصل هنا واخيراً ويمكن هذا اللي خلاني الهى اكثر عن المدونه عن النت بشكل عام
– باقي على رجعتي للرياض وقت قليل ، متضايق ومبسوط بنفس الوقت ، لأن اخوي جا هنا وانا برجع ! ، لكن للضروره احكام ..
– احب اشكر كل من سئل عني بالتويتر وبالأيميلات وان شاء الله المدونه راجعه مثل اول ، واحسن ان شاء الله ..
تحديث*
الأخت امل طلبت مني ان اضع البروجكت اللي كتبته ، وبحطه على استحياء :$
في الحقيقة لطالما أحببت أن أكتب عن الماك في مدونتي الشخصية ، ولكن بالنسبة لي لا تكفي تدوينة أو اثنتين لأتحدث عن الماك !! فآثرت إنشاء هذه المدونة ليكون للماك مدونته العربية و بروح الماك . أيضاً كعرفانٍ مني بجميل محبي الماك الذين استفدت منهم وأحببت أن أشاركهم محبة الماك.
ستمر مدونة ماك بفترة تجريبية في البداية ترحيباً بآرائكم واقتراحاتكم ومشاركتكم أيضاً، وذلك من خلال زيارة صفحة اتصل بنا. ويسعدني أن أقدم شكري وامتناني لكل من ساهم في جعل هذا المشروع حقيقة ؛ وأخص منهم : محمد ملياني ، بندر رفه ، يزيد الغريبي ، ويوسف بركات . وبقي لي أن أذكركم بإضافة رابط خلاصة تدوينات المدونة إلى قارئ خلاصاتكم المفضل وانتظار “مدونة ماك”.
يسعدني جداً ان اكون من احد كتاب هذه المدونه ، التي اتمنى لها النجاح وخدمة كل مستخدمين الماك ..
2- أسوأ مرحلة تعليمية مرت عليك ؟
اقدر اقول ثاني وثالث ثانوي ، من اسوء السنين ومن اسوأ المراحل اللي مرت في حياتي ، لكثره المشاكل التي حصلت في حياتي ، غير هذا ظغط المجتمع اللي كان يجبر الواحد انه ما يتخرج الا بنسبه فوق الـ ٩٠ !
3- أفضل المدرسين اللي مروا عليك ؟
الأستاذ اسعد الأسعد. في كليه اليمامه ، ساعدني بتطوير لغتي الأنقليزيه وساعدني بتطوير مهارات العروض التقديميه (البرزنتيشن)
الأستاذ صادق العتيبي. مدرس الكيمياء في الثانويه ، حببني بالكيمياء رغم كرهي لها !
4- أحب المواد اللي درستها ؟
الحاسب ، الأنقلش
5- أكره المواد اللي مرت عليك ؟
الرياضيات ، فيزياء الأحياء ، جيلوجيا
6- آخر شهادة علمية حصلت عليها , وتخصصك ؟
ثانويه عامه بنسبه ٧٩ وبكل شرف
7- أطرف موقف مر عليك في دراستك ؟
ما فيه شي في بالي للأسف
8- أصعب موقف مر عليك في دراستك ؟
انفصال اهلي في المرحله الثانويه ..
رغم كل هذا ، سنوات المدرسه ما كانت المحببه بالنسبه لي ، كانت ايام تقليديه جداً بالنسبه لي ..
الفتره اللي حبيتها فعلاً هي بعد انتهاء ثالث ثانوي ودخولي عالم الجامعه ، احببت كل لحظه فيها ، في كليه اليمامه !
ويمكن هذا اللي خلاني الهى اكثر عن المدونه عن النت بشكل عام 
