حصد معرض ” ماوراء الكثبان ” بحمد الله على جائزة افضل حدث للعام
2008 م بجامعة كريتون بمدينة اوماها ( ولاية نبراسكا ) في نفس الوقت
الذي افتتح به المعرض الثالث بمدينة مانهاتن .
احب ابارك لنفسي بما اني عضو في اصدقاء الضوء على هذا الأنجاز !
واحب اشكر كريم العنزي الذي بادر بهذه الفكره واهتم بها ، والشكر موصول ايضاً لفريق العمل هناك .. ، فعلاً كلمه الشكر لن تُفيكم !
مثل ما هو واضح من العنوان .. 
قبل ايام قليله في موقع بيتر فوتو ، رشحوا صوره من صوري للنهائيات من بين 29900 صوره لمسابقه شهر فبراير ، واليوم اعلنوا النتائج ، ولله الحمد اخذت المركز الثاني في قسم الحيوانات !
رابط الصوره هناك
هذه الصور الفائزه بمسابقه هذه الشهر
الحمد الله ، كل هالشهر اخبار طيبه ! الحمد الله
تحديث : معليش الصوره اللي كنت حاطه غلط ! ، معليش
هذه الصوره اخذتها لما الصديق العزيز ثامر الطاسان كان في بريطانيا !
حازت هذه الصوره على خيار المحررين في Betterphoto.com ..
اختياري للأبيض والأسود هنا ، كان بسب السحاب ! ، احسست بأنها دراميه جداً ، فكان قرار الأبيض والأسود واحسست بأنها افضل بكثير من الألوان !
أتمنى ان تحوز على رضاكم ..
رجعه من بعد انقطاع طويل عن النت !
اشياء كثيره صارت لي في المده اللي انقطعت فيها !
ملخص سريع :
– حبيب قلبي عصام الرميح كان في بريطانيا من ١٤ مارس ، فا كان اكثر الوقت معاه في لندن للتمشي والتصوير ، وبعد ما خلصنا من لندن اللي قعدنا فيها لمده ٤ ايام تقريباً ، استأجرنا سياره وكان في الفريق العزيز على قلبي ريان الوابل وعصام وانا وواحد من الشباب من الجامعه معنا وبرضوا لمده ٤ ايام درنا في بريطانيا خصوصاً الريف البريطاني ومنطقة الـ Lake Distract وان شاء الله راح احط لها موضوع منفصل للطلعه 
– رسمياً انضميت للبعثه ! ، خبر ازاح عني الكثير من القلق والهموم !
– رقيت جهازي للـ Leopard اللي قاعد احاول اتأقلم عليه شوي ، والمزعج اني مظطر اركب جميع البرامج اللي كنت شاريها والبرامج اللي احتاجها ! ، شي مزعج !! < ---- انسان عجاز
- صوره لي نُشرت في مجله Mac | Life الأمريكيه في عددها الأخير لشهر مارس ، وكانت من ضمن قسم Photo of the month ، كانت فرحه كبيره بالنسبه لي ، رغم انها مجله غير متخصصه بالتصوير !
الصوره بشكل اوضح هـنـا
– ما راح ارجع للدراسه الا في ١٤ ابريل ! ، يعني مده طويله على بال ما ارجع ، قاعد افكر وش راح اسوي ! ، اذا اي احد عنده اقتراح يقترح علينا
– مستمتع جداً بالـ Time Capsule ! خصوصاً الواي فاي ! ، اخيراً قدرت اتحرك مثل ما ابغى !
– الحياه بدون انترنت صعبه !! واصعب شي لما ترجع وتلقا عندك ٣٢٠ ايميل !
واعذروني على التصوير
مضت سنه كامله على افتتاح موقعي !
مرت بسرعه الريح !
افتتاح موقعي كان من اهم الأشياء التي حققتها في مسيرتي الفوتوغرافيه ..
وسعت لي الكثير من الأفاق والتعرف على مصورين من جميع انحاء العالم ..
ولم اتوقع قبل الأفتتاح ان يلقى اقبال كبير هذا الموقع ، لكن لله الحمد من افتتاح الموقع ، زاره اكثر من ٤٢ الف زائر ! واكثر من ١٦١ الف استعراض للصفحات ..
ابداً لم اتوقع هذه الأرقام ! ، لكن الحمد الله
وتشرفت بأفتتاح الموقع رئيس مجموعه اصدقاء الضوء ، الأستاد هاني الدريعي !
كانت سنه رائعه وستظل هكذا (بأذن الله)
يتكلم الفلم عن اغتيال الرئيس الأمريكي في اسبانيا في حدث كبير يجمع العديد من قاده الدول الكبيره ..
٨ اشخاص ، ٨ رؤى مختلفه و حقيقه واحده !
الفلم كان متعه كبيره بالنسبه لي !
المخرج هنا ابدع بشكل خيالي !
التصوير كان خرافي ، طاقم الممثلين مُختار بعنايه !
تسلسل الأحداث ، لأول مره ارى تسلسل احداث بهذا الشكل الرائع في فلم !
انصح الجميع برؤيته ، فلم يستحق المشاهده بالفعل !
تقيمي: ١٠/٩
كل يوم يزداد عشقي لتويتر !
رغم عتبي له بعدم ارسال اي تويتات لجوالي من شهرين تقريباً !
فديو بسيط يوضح ما هو تويتر بطريقه جميله جداً !
هذي بعض الأفلام اللي شفتها المده اللي فاتت ..
هذا هو الفلم الحائز على الأوسكار هذه السنه !
من بطوله تومي لي جونز و جيفر بارديم ..
يتكلم الفلم عن قصه قاتل يدور حول امريكا لقتل بعض الأشخاص المتهمين في صفقه مخدرات بقيمه ٢ مليون دولار ..
هذا هو التريلير الخاص بالفلم ..
الفلم ما عجبني مره ، لما خلص الفلم قعدت اكلم نفسي وقلت طيب وبعدين ؟
الغريب ان هذي هي المره الثانيه اللي اشوف فلم حائز على جائزه الأوسكار وكان سخيف ! مثل فلم Bable
الشي الوحيد اللي اعجبني في الفلم ، هو تمثيل الممثل جيفر بارديم !
تقيمي ١٠/٥.٥
من بطوله تومي لي جونز وشارليز ثيرون ..
يتكلم الفلم عن شاب قُتل بطريقه غامضه ، ويأتي والده للتحقيق في هذه الجريمه وتتعاطف معه المحققه من الشرطه وتساعده في هذا التحقيق ..
اعجبني الفلم كثير ، قصته مثيره واحداثه متسلسله بشكل ممتاز
تقيمي ١٠/٨
الفلم بأصوات جيري ساينفيلد ، ريني زالويغر ..
يتكلم الفلم عن حياه النحل وكيف يشتغلون ، لكن باري لم يتفق كثيراً بأن النحل فقط يُقتصر عليهم العمل في خلايا النحل واستنتاج النحل !
الفلم عادي ماهو بمتعه Ratatouille
تقيمي ١٠/٥
أنت تتصفح أرشيف مدونة مدونة يزيد الغريبي لشهر: مارس 2008.
