iPhone
لي فتره ما كتبت وانا متحمس للأي فون الجديد !
من يوم الخميس وانا اتابع اخبار من فديوات للمنتظرين عن محلات Apple و محلات AT&T او تدوينات للمنتظرين نفسهم ..
صوره الجهاز مع علبته اللي ما ودك ترميها ابد 
بصراحه الجهاز مبين عليه اكثر من روعه !!
وطلع كم ريفوز عن الجهاز يبين فيه بعض المميزات وبعض العيوب ( اعتبرها اخطاء بالنسبه لي ) في الـ iPhone
راح ابداً بكم شغله اللي اعتبرها مميزات بالنسبه لي ..
في البدايه الكثير كان يتكلم عن تمخش الشاشه الأماميه للجهاز وطلع فدير من مجله PC World يبين فيه مدى قوه الشاشه و استحماله للطيحات على الأرض (هنا) بصراحه انا انهبلت من هالفديو وصحيح ان قلبي عورني لما شفته لكن فعلاً يبين انه قوي وخصوصاً الشاشه
الشاشه وحركات الـ Finger tip هذي من جد شغله خاق معها بشكل ، خصوصاً لما تكتب رساله او تسوي زوم لصوره احس انه شي رايق بالمره ! العيب في هالشي من حسب ما قريت وشفت الفديوات انه على الوضع العمودي (portrait) (بالنسبه للكي بورد) ما فيه مساحه للكتابه بشكل مريح بالنسبه للـ SMS و والـ Mail ، اما في السفاري فا بأمكانك قلب الجهاز بجهه العرضيه (Landscape) وتتمتع بالكيبورد الكبير (اللي بالأسف ماهي مفعله في الـ SMS و الـ MAil واتمنى من Apple انها تفعل هالخاصيه في الفريم وير الجاي)
وعلى كم ريفيو قريته يقولون ان البطاريه شغاله بشكل ممتاز جداً وبنفس كلام ستيف جوبز بأنها تقعد اكثر من ٨ ساعات في المكالمات و و ٦ ساعات في التصفح و ٧ ساعات للفديو و ٢٤ ساعه للأيبود !
وكان جزء كبير منهم يتكلم عن سرعه التطبيقات بالجهاز ويقولون انه اكثر من ممتاز خصوصاً عن استخدام الأي بود بحيث انك تدور اكثر من البوم واذا اخترت اي تراك في الألبوم على طول تشتغل الأغنيه بدون اي تأخير
وكان فيه بعض الناس تتكلم عن كم ياخذ وقت من ما سويت له ريسيت وتقريباً كان ٣٢ ثانيه لين ما صار على الواجهه الرئيسيه ..
برنامج الميل اكثر من رائع فيه بحيث انك تقدر تسجل اكثر من ايميل (AOL , Gmail , Yahoo وشركه ثانيه ما اتذكرها) او حساب خاص يكون مفعل خاصيه الـ Pop 3
فيه خاصيه في الـ SMS بحيث تقدر انك تخليها كَـغرفه تشات وتقدر تحفظها لما تخلص
هذي اللي اتذكرها حالياً من مزايا عجبتني وراح احدثها اذا تذكرت شي
نجي للعيوب
ما تقدر تحط نغمه من ملف MP3 وعلي كذا تلتزم علي نغماتهم فقط (وسمعت في احد الفديوات ان ممكن Apple تنزل في الـ iTunes Store نغمات بفلوس وهذا الشي اعتبره استغلال لحد النخاع !)
ما فيه GPS
برنامج السفاري ما يقدر يحمل اي شي او يحفظ صور
ما يدعم الجيل الثالث !! (هذا الشي بصراحه ما لهم داعي فيه بالمره ، لأن اغلب الجوالات الحين صارت تدعم هالشي ولو بشكل بسيط)
البلوتوث ما يدعم كل شي وما فيه A2DP
على كلام الزميل يوسف رفه بأن الجوال ما يقدر يرسل صور عن طريق البلوتوث من جوال لأخر وبصراحه هذي الحركه غبيه بشكل !!
ما يدعم العربي (واتوقع راح يستمر الى فتره طويله)
هذي تقريباً اغلب العيوب اللي اشوفها مهمه في الـ iPhone
الجميل ان برنامج الـ iTunes هو اللي راح يهتم في الـ iPohne وتقدر تسوي مزامنه (الأسماء والأغاني والفديوات والصور والنغمات “على حسب الشائعات اللي طلعت من كم فديو”) لجوالك كأنك تسويها للأي بود وبرضوا الأكتفيشن (للناس اللي سكانين في امريكا) راح يكون عن طريق الأي تونز
راح نتابع معكم اي تطور في هالموضوع
وهذي صوره تابعه لموقع engadget توريكم كم من iPhone عندها ! ياهم بطرانين والله !
وان شاء الله راح اتابع معكم اي جديد لهذا الجهاز الخرافي !
حُدث في ١ يوليو الساعه ٢:٥٤
يزيد ،،
01/07/2007 في الساعة 3:12 ص
كنت متحمسا جدا لأيفون ، لكن هناك الكثير من العيوب منها التي ذكرت تجعلني اتراجع. اتمنى تحسين الآيفون و تغطية العيوب في النسخ القادمة قبل نزوله في آسيا منتصف العام المقبل.
تقرير ممتاز
02/07/2007 في الساعة 1:27 م
هلا صالح ..
كنت متحس زي حماسك لكن حماسي قل بشكل فظيع لما عرفت هالعيوب !
علي امل ابل تحدث الفريم وير قريب بحل هالمشاكل
تسلم صالح على المرور
03/07/2007 في الساعة 12:36 ص
بطلت اشتري الجهاز..ايش العيوب الغبية هذي؟؟
بالله شركة زي ابل يطلع منها جهاز بهالعيوب؟؟ يعني ماصار فيه اي شي افضل
من الجوالات الثانية
03/07/2007 في الساعة 1:34 ص
محمد بن سالم
فعلاً عيوب اقل ما يُقال عنها غبيه وبشكل كبير !
لكن مميزاته تعتبر حلوه لكن ما راح اشتريه
لأن انا فاك مع شي اسمه الشاشه وخواص (الملتي تتش) !
تسلم على المرور محمد ..
26/11/2007 في الساعة 5:14 ص
امممممم
والله موب شين
بس كل شي مقبول الا ان مايدعم العربي
31/12/2007 في الساعة 9:48 ص
الله يعين اذا كان هذي كلها عيوب من هذي الشركه والله انها اكبر مشكله
والله بطلت اشتري هذا الجهاز من كثرت عيوبه
بس ودي اعرف شيء واحد بس !!!!!!!
كم سعره؟
31/12/2007 في الساعة 9:54 ص
سعود ..
بأمكانك مراجعه تصنيف الأي فون في المدونه وراح تلقا موضوع يتكلم عن العربي ..
فهد ..
راجع هالموضوع، متكلم فيه بتفصيل اكبر عن الأي فون ..
بالنسبه لسعره ، يتفاوت ما بين الـ ٢١٠٠ الى ٢٨٠٠ ريال ..
16/11/2008 في الساعة 12:32 م
..{ يزيد ’
.
.
.
آسعد الله آوقآتك بكل خير وبركآته ..
آنآ متحمس لدرجة مآ تتصورهآ لآني حبيت آهرب من الآي ميت ..!
واجي للآي فون .. لكن لي وجهة نظر في ما تسمونه عيوب ..
هي ليست بعيون ولآ أخطآء تصنيع ..
ولكن لو رجعنا لآصل الجهآز هو يركز على المقاطع الصوتية ..
لذلك فهو يدعم المقاطع الصويتة أكثر من الصور و ادوات التحرير ..
عملت آن كآميرته ليست ذات الجودة العالية ..!
آتوقع لو تغيرت فكرة المصنعين لهذا الجهآز لسوف يكون آفضل بكثير ..!
.
.
.
تقبل مروري }..