Apple Event
Apple Event
(Say hello to the best iPods ever !!)
اليوم كان ايفينت ابل لأطلاق اجدد منتجاتها واللي كانت هالمره للأيبود وبعض الأخبار الجديده المختصه بالماك
اطلق ستيف جوبز اليوم الجيل الجديد للأيبودز
وراح نبدا مع سلسله الشفل
السعه 1 قيقا والوان جديده وهي الفضي ، ازرق فاتح ، اخضر ، احمر* و بنفسجي
بسعر 79$
وراح يتوفر في هالويك اند
وبعدها اطلقت الجيل الثالث من ايبود نانو
الشاشه صارت اكبر بقياس 2 انش 320×240
نسبه البرايتنس صارت اعلى من الموديلات اللي قبلها بنسبه 65%
والرزلوشن عالي وعلى كلام الشركه بأنه اعلى رزلوشن قد سوه (204 بكسل لكل انش)
وصار فيه ميزه الكفر فلو
وراح يكون متوفره فيه ثلاث العاب
البطاريه تقعد لمده 24 ساعه للصوت و 5 ساعات للفديو
وفيه منه موديلين :
١- 4 قيقا وراح يتوفر بسعر 149$ (وراح يتوفر باللون الفضي فقط)
٢- 8 قيقا وراح يتوفر بسعر 199$ (وراح يتوفر بالألوان : الأسود ، الفضي ، الأخضر ، ازرق فاتح و الأحمر*)
وراح يتوفر في هالويك اند
وبعدها اطلقت ابل الأيبود الكلاسيك
طبعاً راح يكون بنفس الأنترفيس وخاصيه الكفر فلو الجديده في الأيبود
والبطاريه فيه متحسنه بشكل كبير 30 ساعه للصوت و 6 ساعات للفديو لموديل الـ 80 قيقا، و 40 ساعه للصوت و 7 ساعات لموديل الـ 160 قيقا
وراح يكون سعر الـ 80 بـ 249$ والـ 160 بـ 349$
وراح يكون متوفر هالويك اند
وبعدها اطلقت ابل القنبله لهذا الحدث وهو الأيبود تتش !
هالأيبود الجديد هو نفس مقاس الأيفون بالظبط وانحف (8 ملم للي يحبون الدقه )
(صوره تبين مدى نحف الأيبود تتش)
وطبعاً تجي بنفس تقنيه الملتي تتش اللي موجوده في الأي فون
3.5 انش للشاشه ويتوفر فيه برنامج للصور و وتقدر تسويله لوك مثل حركه الأي فون (slide to unlock) والخاصيه الحلوه انه موجود فيه واي فاي ! (قطعة الواي فاي مخربه الديزاين بلونها الأسود بالنسبه لي !)
لكن شي حلو لتصفح النت ومشاهده موقع Yootube
والبطاريه تقعد 22 ساعه بالنسبه للصوت و 5 ساعات للفديو
وهالأيبود راح يتوفر بسعه 8 قيقا بسعر 299$ وبسعه 16 قيقا بـ 399$
وصار فيه ميزه ان اي تونز ميوزك ستور صار على الواي فاي (وراح تنضاف هالميزه في الأيفون)
ولمن يحب يشوف تور على الأيبود تتش
مشاهده
تحميل (فديو للأيبود بوضوح ممتاز على الأيبود 48 ميقا)
تحميل (بوضوح ممتاز 252 ميقا)
وراح يبدا شحنه عالمياً بعد كم اسبوع
واعلن ستيف جوبز بعض الأخبار الجديده مثل :
تخفيض سعر الأيفون الـ 8 قيقا الى 399$
وتخفيض سعر الأيفون الـ 4 قيقا الى 299$ لحين نفاذ الكميه الموجوده وعدم طرح هذا الموديل (يعني راح يكون فيه الـ 8 قيقا بس)
وصرح ستيف جوبز عن خدمه جديده للأي فون وهي النغمات اللي راح تكون جديده بسعر 99 سنت وراح يكون عباره عن برنامج تحكم تختار الأغنيه اللي تبيه والمقطع اللي تبيه اللي راح يكون مدته 30 ثانيه وهالمريزه راح تكون بأصدار جديد للأي تونز في الأسبوع القادم
وهذي اغلب الأخبار الجديده عن اللقاء اللي صار اليوم وانتهي قبل ساعات قليله ..
اتمنى اني ما نسيت شي
* يُقصد بالمنتجات الحمراء هي دعم لبرنامج العالمي لمحاربه الأيدز في افريقيا
28/09/2007 في الساعة 1:29 ص
يزيد موضوع راااائع جداً
يعطيك ألف عافية يالغالي
بس لدي سؤال مالفرق بين الآيبود توتش والآيفون ؟؟
يعطيك العافية عزيزي
29/09/2007 في الساعة 11:36 م
اهلاً ادهم ..
اعتذ للتأخر في الرد
بالنسبه للأيبود تتش و الأيفون
اعتبر الأيبود اي فون بس بدون خاصيه الجوال
نفس السوفت وير موجود في الأيبود تتش
تحياتي لك ..
10/07/2008 في الساعة 6:56 م
طيب في صور للايبود الصغيير..؟؟